Атырау облысындағы Қашаған кен орнында салынып жатқан газ өңдеу зауытының құрылыс алаңында Қазақстан Республикасының жаңа Конституциясы жобасы бойынша республикалық референдум ұйымдастырылды.

Дауыс беру 15 наурыз күні өндірістік жұмысты тоқтатпай, тікелей құрылыс алаңында өткізілді. Референдумға осы күні жұмыс орнында болған «Kazakh Construction Group» ЖШС қызметкерлері мен мердігер ұйымдардың жұмысшыларын қоса алғанда шамамен 1000 адам қатысты. Қатысушылардың барлығы өз азаматтық міндетін орындады.

Маңызды қоғамдық-саяси іс-шараға қарамастан, нысандағы құрылыс жұмыстары қалыпты режимде жалғасты. Қызметкерлердің дауыс беруі алдын ала әзірленген ұйымдастыру тәртібі негізінде жүргізіліп, өндіріс үдерісін тоқтатуға жол берілген жоқ.