Мемлекеттік мереке – Ұлттық киім күніне орай серіктестіктің кеңсе қызметкерлері жұмысқа ұлттық киіммен келіп, халқымыздың мәдени мұрасы мен дәстүрлеріне деген құрметін көрсетті. Бұл бастама ұжым тарапынан кең қолдау тауып, корпоративтік мәдениетті нығайтудың бір бөлігіне айналды.

Сонымен қатар компанияда күнделікті жұмыс барысында қызметкерлердің іскерлік киім үлгісі мен корпоративтік талаптарды қатаң сақтайтыны атап өтілді. Осыған байланысты 18 наурыз күні кеңсе қызметкерлеріне іскерлік киім үлгісінің талаптарына арналған арнайы тренинг ұйымдастырылды.

Компания өкілдерінің айтуынша, мұндай іс-шаралар қызметкерлердің жауапкершілігін арттырып, корпоративтік мәдениетті нығайтуға ықпал етеді. Бұл ретте ұлттық дәстүрлерге құрмет пен кәсіби талаптарды сақтау үйлесімді түрде ұштасады.